Publicado por 
“Saúde nenos e natureza” é o título da sesión 608 do Salzburg Global Seminar (SGS) na que participarán mañá, nun encontro informal, o alcalde Miguel Fernández Lores e a concelleira de Promoción da Cidade, Anabel Gulías, que foron convidados por este prestixioso centro de estudos austríaco de dimensión internacional para expoñer a experiencia de mobilidade alternativa de Pontevedra e a súa relación coa mobilidade e a educación infantil, unha das principais motivacións do evento.
Será o mércores 7 de marzo pola mañá cando a primeira hora interveña o alcalde, desde a perspectiva institucional, sobre a construción de mellores cidades para a infancia. Estará acompañado de Jonathan Gill, manager da multinacional Unilever e Sean Southey, directivo de Media Impact, que falarán respectivamente desde as perspectivas empresarial e mediática.
O SGS é unha veterana entidade dedicada ao estudo de tendencias globais relacionadas coa saúde, a educación, a cultura, economía, xeopolítca, asuntos LGTB, a xustiza e a sustentabilidade. Ten como obxectivo “desafiar os líderes actuais e futuros a resolver problemas de interese global”.
A súa sesión 608 quere estudar a relación entre a infancia e a natureza, desde as investigacións e o activismo ata as políticas para o cambio global. O dereito de nenos e nenas ao espazo público e o seu desenvolvemento como persoas está no cerne desta convocatoria: “Se os nenos non poden xogar ao aire libre e con seguridade, a súa saúde física e mental sufrirá, afectando ás súas posibilidades de vida, tanto na escola como máis aló”.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.