Publicado por O portavoz do Grupo Socialista, Gonzalo Caballero, sinalou hoxe que “non podemos deixar ás Xunta cos brazos cruzados” nun contexto no que “se limita a discutir medidas pero non toma todas as medidas de protección necesarias para a cidadanía máis vulnerable”. Chamou a “fortalecer á Xunta do benestar” aproveitando os Orzamentos que se debaten mañá no Parlamento para reforzar o sistema sanitario e educativo, para garantir as condicións dos maiores nas residencias e para apoiar aos sectores económicos afectados pola crise.
O líder dos socialistas galegos reclamou “tomar todas as restricións necesarias para protexer á saúde, pero á vez a Xunta ten que rescatar aos sectores económicos afectados e fortalecer o sistema do benestar, cun mellor rastrexo” -cun sistema que “segue a ser de pena”- e o reforzo da sanidade pública. Resumiu que “a Xunta de Galicia ten a obriga legal e moral de fortalecer o sistema de residencias, o sistema sanitario e de protexer aos máis débiles fronte á covid”.
Caballero sinalou que “non podemos estar un día máis sen fortalecer a protección dos galegos e as galegas fronte á terceira onda da covid”, cun sistema sanitario que soportará unha “presión asistencial ao límite nas próximas datas”.
Esixiu que “non se volvan producir noticias como a de Conxo, onde a poboación máis vulnerable, que non se pode valer por si mesma, que depende do Estado e da Xunta para sobrevivir se atopa cun brote nun Hospital Psiquiátrico”. Chamou a evitar estas situacións “terribles” que supoñen “unha eiva política, económica e moral que non podemos consentir, porque un país avanzado non pode deixar na cuneta aos que non poden valerse por si mesmos”.
Cese da conselleira de Política Social
O secretario xeral do PSdeG chamou a “prender tódalas alertas” diante da situación das residencias de maiores, mentres o goberno galego se limita a repetir un “discurso inconsistente”, e sinalou que “cambiou o equipo de Política Social, pero se ten que cambiar á conselleira o ten que facer xa”. Advertiu de que “non podemos estar na terceira onda recibindo cada día unha residencia de maiores con contaxios masivos”.
Esixiu neste sentido que o goberno galego “ten que protexer aos maiores que están nas residencias e que cada día rexistran contaxios masivos”. Advertiu de que “está fallando a Consellería de Política Social” cando en xaneiro, e xa na terceira onda, rexistráronse contaxios masivos nas residencias de Vimianzo, Leiro ou Tui, e que esta mesma fin de semana víronse contaxiados masivos entre usuarios e persoal da residencia de Sarria.
Educación
Algo semellante sucede no sistema educativo galego, cando o goberno galego mantense impasible mentres “a covid está entrando nas aulas dos colexios” e mentres “máis de 2.000 alumnos non poden seguir o curso presencial con regularidade, e hai máis de 100 aulas coas actividades académicas e docentes suspendidas”.
Caballero apuntou que “segue a ser necesario despregar un modelo de conciliación para protexer fronte á covid e permitir que as familias sigan coa súa vida no momento en que os nenos e nenas xa non poden estar nas aulas”.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.